يا خبر..قانون الجواز الجديد ودع حياة العزوبية و اهلا بالعنوسة

النهاردة عيد والعريس بيتجوز
ومدام العريس بيتجوز يبقي العروسة هتتجوز

ببببببببببببببببببببببببس
عيشوا حياتكم يومين الجواز والكلام ده مش هنشوفه
والموسيقي و دوم ترا دم دم دوم طق طق
و العريس والعروسه و المعازيم والحاجة الساقعة والجاتوه
مش هنشوفه و لا نسمعه غير في ال تي في

و السبب
الحكومة الله يجازيها
احنا سمعنا ان قرار الجواز الجديد انه بينص على :
1- ممنوع جواز اقل من 26 سنه .....مبروك انت/ى عانس
2- لازم تعمل فحص طبي شاااامل و ضروري يكون في القاهرة...طيب والمقيميين خارجها؟؟
3- العريس لازم يدفع 3000 ج عشان يتجوز...لمين بقي؟؟ وانى ايش دراني
هو في غيرهم؟؟؟بتوع الفلوس
4- العروسة لازم هي كمان تدفع 1000 ج شوفتوا الخيبة
5- الماذون ياخد 500 ج ...تقولش هيجوز الاميرة ديانا

كل حاجة في العالى وكل حاجة غلت
اشمعني يعني الجواز
؟؟؟؟
مبروووك جميعا على العنوسة
استنوووووووووو هنا

انتوا صدقتوا الكلام الفارغ ده كله؟؟؟
ده اشاعات الواحد سمعها كده طياري
الحقيقة بقي القانون بينص على :
1- التعديل الأول: أنه لا يجوز توثيق عقد الزواج لمن لم يبلغ من الجنسين 18 سنة ميلادية كاملة ، و هذا التعديل الجديد لا يعنى أن سن الزواج اصبح 18 سنة كما نص القانون بذلك و انما يضع شرطا للتوثيق دون الاخلال بنص الشريعة الاسلامية و حكمها.

2- التعديل الثانى: أنه قد اضيفت مادة جديدة لقانون الأحوال المدنية ""143 لسنة 94 " نصها الأتى "" و يشترط للتوثيق أن يتم الفحص الطبى للراغبين فى الزواج للتحقق من خلوهما من الأمراض التى تؤثر على حياة أو صحة كل منهما أو على الزواج أو على صحة نسلهما ، و اعلامهما بنتيجة الفحص"" " و يصدر بتحديد تلك الأمراض و اجراءات الفحص و أنواعه و الجهات المرخص لها به قرارا من وزير الصحة بالاتفاق مع وزير العدل " " و يعاقب تأديبيا كل من وثق زواجا بالمخالفة لأحكام هذه المادة"" .

و الخلاصة:

1- يشترط فقط لتوثيق عقد الزواج أن يجرى فحص طبى للراغبين فى الزواج و تستخرج الشهادة من اى مستشفى تابعة لوزارة الصحة و لا يتجاوز تكلفتها 50 جنيها فقط و ليس 300 جنيه

2- أما ارتفاع الرسوم الى ثلاثة الاف جنيه فهو من باب الشائعات و لم يصدر بحقها اى تعديل او قانون فى مجلس الشعب و ما زالت الرسوم المقررة كما هى و لا يملك احد زيادتها الا بنص القانون و لم يتعرض مجلس الشعب لزيادة هذه الرسوم حتى الان

............................*
ياريت بقى نقول رأينا في القانون و توابعه
و كمان نقول راينا لو كان الاشاعات بتاعت قانون الجواز ده حقيقة
كنتوا هتعملوا ايه؟؟

انا عن نفسي هعتزل الجواز وسنينه
و اقعد جنب امي
عنوسة عنوسة وايه يعني
كاتاكيتو بني
بلا جواز بلا كلام فارغ

بيتهيالى انتى صح كلوا بقى محصل بعضوا ماهو مش فى جواز بيقوم اصلا على الخداع صح والسبب ان الدنيا بجد ككلها كدب فى كدب وكلوا بيضحك على كاوا يلا مش مهم جواز لان اصلا مفيش حب والجواز من غير حب يعتبر عيشه تقليديه مش اكتر